Rusiyada qadın xəstə itini maşının arxasına bağlayıb yolboyu sürüdü - VİDEO

Rusiyanın Krasnoyarsk şəhərində qadın itini maşına bağlayıb və yolboyu sürüyüb.

Qadının dediyinə görə, o, itini müayinə üçün baytara aparmaq istəyib. Lakin heyvanı maşının yük yerinə mindirə bilməyib. Ona görə də alabay cinsindən olan itinin qayışını yük yerinin qapısına bağlayaraq həkimə aparmaq qərarına gəlib. Nəticədə it yolboyu sürüklənib.

Hadisəyə şahid olan yerli sakinlər dərhal polisə xəbər veriblər və qadın ertəsi gün polis bölməsinə aparılıb, lakin barəsində saxlanılma qərarı verilməyib.

Qadın itin oynağını zədələdiyini və baytarlıq klinikasına aparmaq məcburiyyətində olduğunu bildirib.

İtin sağ qaldığı və sahibinin qohumlarına verildiyi məlum olub.

Mənbə: “Lenta dnya” “Telegram”