Milyarder İlon Maskın rəhbərlik etdiyi ABŞ Hökumətinin Səmərəliliyi Departamenti (DOGE) ABŞ Maliyyə Nazirliyinin fırıldaqçılara və terrorçu təşkilatlara ödənişlər etdiyini müəyyən edib.
OXU24.COM xəbər verir ki, bu barədə Mask "X" səhifəsində yazıb.
"DOGE komandası aşkar edib ki, ABŞ Xəzinədarlıq Departamentində ödənişlərin təsdiqlənməsinə cavabdeh olan məmurlara, hətta qarşı tərəf məlum fırıldaqçı və terror qrupları olsa belə, həmişə ödənişləri təsdiqləmək tapşırılıb. Onlar bütün karyeraları boyu sözün əsl mənasında heç vaxt ödənişdən imtina etməyiblər", - o qeyd edib.
