1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Egey dənizində ard-arda baş verən zəlzələlərdən sonra Türkiyənin Muğla, Aydın, Denizli, Manisa və İzmir Böyükşəhər bələdiyyə sədrləri Cümhuriyyət Xalq Partiyasının (CHP) yerli idarəetmələr və dayanıqlı şəhərlər üzrə sədr müavini Gökan Zeybekin koordinasiyası ilə İzmirdə təcili iclas keçirəcəklər.
Bu barədə Oxu.Az "Haber Global"a istinadən xəbər verir.
Məlumata görə, bələdiyyə sədrləri yanvarın 28-dən etibarən Egey dənizindəki Kiklad adaları bölgəsində intensivləşən seysmik aktivlik və qeydə alınan 400-dən çox zəlzələ ilə bağlı qiymətləndirmə aparacaqlar.
İclasda müzakirə olunan məsələlər barədə saat 15:00-da (Bakı vaxtı ilə 16:00) açıqlama veriləcək.
