"Məşqlərdə cəmi 15 futbolçu iştirak edirdi" - Cavid Hüseynov

"Səbail" Misli premyer-liqasının 22-ci tur matçında "Qarabağ"ın meydanından böyükhesablı məğlubiyyətlə ayrıldı - 0:5.

"Football-plus.az" xəbər verir ki, "dənizçilər"in baş məşqçisi Cavid Hüseynov oyunsonrası mətbuat konfransında oyun haqda fikirlərini bölüşdü.

- Beş gün əvvəl kubok matçında "Qarabağ"la qarşılaşmışdıq. Belə komandaya qarşı ardıcıl oyunlar keçirmək çox çətindi. Məşqlərdə cəmi 15 futbolçu iştirak edirdi. Heyətimiz çox kasaddı. Zədəlilərimiz də var idi. Kubok matçı olmasaydı, bu gün 90 dəqiqə ərzində yaxşı oyun göstərə bilərdik.