Premyer Liqanın 25-ci turunun maraqla gözlənilən qarşılaşmalarından biri Tovuzda baş tutacaq.
Medallar uğurunda mübarizə aparan “Turan Tovuz” doğma meydanda “Zirə”ni qonaq edəcək.
Hazırda “qartallar” 45 xalla 2-ci, bölgə klubu isə 42 xalla 4-cü pillədə qərarlaşır.
Böyük əhəmiyyət daşıyan qarşılaşma öncəsi “Turan”ın forvardı Aleks Souza Sportinfo.az-a açıqlama verib:
“Asan oyun olmayacağını bilirik. Amma biz evdə oynayacağıq. Doğma azarkeşlərimizin önündə çıxış edəcəyik. Bunu unutmaq olmaz.
Artıq bir neçə gün əvvəldən oyuna fiziki və psixoloji olaraq hazırlaşmağa başlamışıq. Məqsədimiz 3 xal qazanmaqadır.
Yaxşı çıxış etməklə məqsədimizə doğru gedəcəyik.
“Turan Tovuz” – “Zirə” görüşü martın 3-də, saat 17:30-da keçiriləcək.
XANOĞLAN
