“Media Savadlılığı” Həftəsi çərçivəsində Azərbaycanda səfərdə olan Qazaxıstan və Özbəkistan Respublikalarının nümayəndə heyətlərinin üzvləri, həmçinin bir sıra xarici ekspertlər AZƏRTAC-ı ziyarət ediblər.
Qonaqlar Müzəffər Ali Baş Komandanın Vətən müharibəsi dövründə xalqa müraciətlərini, işğaldan azad olunmuş bölgələrə səfərlərini əks etdirən fotolara, həmçinin AZƏRTAC-ın müxtəlif dövrlərdə istifadə etdiyi texniki avadanlıqlardan ibarət eksponatlara baxıblar. Bununla yanaşı, iştirakçılar AZƏRTAC-ın şəhid jurnalisti Məhərrəm İbrahimovun xatirə guşəsi ilə tanış olub, onlara jurnalistin həyat yolu barədə ətraflı məlumat verilib.
Sonda qonaqları maraqlandıran suallar cavablandırılıb.
