Avropa Liqasının Liqa mərhələsinin 7-ci turu çərçivəsində keçiriləcək “Qarabağ” – “Styaua” oyununun bütün təyinatları müəyyənləşib.
Arena.az xəbər verir ki, Bakıda baş tutacaq bu qarşılaşma Slovakiyadan olan hakimlər briqadasına tapşırılıb.
Oyunu FIFA referisi Filip Qlova idarə edəcək. Ona yan xətt hakimləri Daniel Polaçek və Peter Bednar kömək edəcəklər. Dördüncü hakim funksiyasını Lukaş Dzivyak yerinə yetirəcək. VAR-da Mihal Oçenaş, AVAR-da Martin Dohal əyləşəcək.
Görüşün hakim-inspektoru isveçli Martin Hansson, UEFA nümayəndəsi isə belaruslu Natalya Vorobyova olacaq.
“Qarabağ” – “Styaua” matçı yanvarın 23-də Tofiq Bəhramov adına Respublika stadionunda keçiriləcək. Oyuna saat 21:45-də start veriləcək.
Hazırda Avroliqanın Liqa mərhələsinin turnir cədvəlində Azərbaycan çempionu 3 xalla 33-cü, Rumıniya təmsilçisi isə 11 xalla 10-cu sırada qərarlaşıb.
