Təbrizdəki “İran Xodro ” fabrikinin işçiləri Tehrandakı həmkarları ilə öz aralarında ciddi hüquqi ayrı-seçkiliyə etiraz olaraq tətilə çıxıblar.
“Səmənd Soren” markalı avtomobili yığan zavodun azərbaycanlı işçiləri Tehranda “İran Xodro ” şirkətinin işçilərinin aylıq əmək haqqının 25-35 milyon tümən arasında olduğu halda, təbrizli işçilərin cəmicəmi 12 milyon tümən aldığını bildiriblər.
“Oxşar iş şəraitində olan biz niyə Tehrandakı həmkarlarımızın maaşının yarısını almalıyıq? Təbrizi fəhləsinin dəyəri Tehran fəhləsindən aşağıdırmı?"- deyə işçilər etiraz ediblər.
Etirazlara cavab olaraq fabrikin baş direktoru bu vəziyyəti dəyişdirmək iqtidarında olmadığını bildirib.
“Bu əmr yuxarıdan gəlir və bizim edə biləcəyimiz bir şey yoxdur”. - deyə o bildirib.
O, işçiləri də təhdid edərək, “tətil davam edərsə, sizi işdən çıxaracaqlar və biz 12 milyonla kifayətlənəcək yeni işçilər tapacağıq” deyib.
visiontv.az
