Pakistanın keçmiş baş naziri və müxalif “Ədalət Hərəkatı” partiyasının qurucusu İmran Xan bazar günü öz tərəfdarlarını İslam Respublikasının hazırkı hökumətinə itaətsizlik aktları və 8 fevral 2025-ci ildə kütləvi nümayişlər keçirməyə çağırıb.
Yeniavaz.com xəbər verir ki, bu barədə bazar günü Xanın rəsmi “X” hesabında yerləşdirilən yazıda bildirilib.
“Fevralın 8-də “Qara Günü” qeyd etməyə hazır olun. Xayber Paxtunxva və Şimali Pəncabın sakinləri Svabi şəhərində, digərləri isə öz şəhərlərində nümayiş keçirməli olacaqlar. Xaricdə yaşayan pakistanlılar da bu gün bütün dünyada səslərini ucaltmalıdırlar“, - deyə mesajda qeyd edilib.
Müvafiq məlumat partiyanın təsisçisinin 25 yanvar 2025-ci il tarixində Adiala həbsxanasında partiyasının vəkillik qrupu və media qanadı ilə keçirdiyi görüşdən sonra yerləşdirilib.
