İsrailin Qəzza zolağının mərkəzində yerləşən Nuseyrat qaçqın düşərgəsinin kənarına endirdiyi hava zərbəsi nəticəsində bir nəfər ölüb, bir neçə nəfər yaralanıb...
Poliqon xəbər verir ki, bu barədə Fələstinin WAFA xəbər agentliyi məlumat yayıb. Agentliyin məlumatına görə, buldozer sürücüsü sıxılmış avtomobili çıxarmağa çalışarkən atəşə tutulub. WAFA xəbər verir ki, avtomobilin sürücüsü hadisə yerində ölüb.
İsrail Müdafiə Qüvvələrinin (IDF) sözçüsü Qəzzanın mərkəzinə hava zərbəsi endirdiyini təsdiqləyib. İsrail ordusunun bəyanatında deyilir ki, atəşkəs razılaşmasını pozaraq şimala hərəkət edən şübhəli avtomobillərə atəş açılıb.
İsrail ordusu həmçinin Qəzzadan İsrail girovlarının qaytarılması üçün atəşkəs razılaşmasının şərtlərinə əməl etməkdə İsrailin qətiyyətini vurğulayıb və anklav sakinlərini təlimatlara əməl etməyə və bölgədə yerləşdirilən qoşunlara yaxınlaşmamağa çağırıb.
Qeyd edək ki, İsrail və HƏMAS arasında atəşkəs razılaşması yanvarın 19-da qüvvəyə minib. Elə həmin gün HƏMAS üç məhbusu azad edib və İsrail hakimiyyəti anklavdan qoşunları çıxarmağa başlayıb. İkinci turda Həmas 4 qadın girovu azad edib, 200 fələstinli isə İsrail həbsxanalarından azad edilib. İsrail həmçinin Netzarim humanitar dəhlizini açıb, anklavı şimal və cənub hissələrinə ayırıb. Bundan sonra fələstinlilər Qəzzanın şimalındakı evlərinə qayıtmağa başlayıblar.
Poliqon.info
