Bu yaxınlarda Azərbaycan Prezidentinə qarşı utanmazcasına aşağılayıcı ifadələr işlədən İran rəhbərinin Qəzvin əyalətindəki nümayəndəsi, Qəzvin şəhərinin cümə imamı Əbdülkərim Abedini vəzifəsindən kənarlaşdırılıb.
"AzPolitika" xəbər verir ki, bu barədə İran KİV-lərində məlumat yayılıb.
Ancaq İranın hökumət saytları onun guya "öz istəyi ilə istefa verdiyi" kimi qələmə veriblər.
Xəbərə görə, bu barədə hökumət mollası istefa verməsi ilə bağlı çıxış edib. O, çıxışında 10 ilə yaxındır ki, cümə imamı kimi fəaliyyət göstərdiyini bildirib.
Xatırladaq ki, bir neçə gün öncə Azərbaycan Xarici İşlər Nazirliyi İranın Bakıdakı müvəqqəti işlər vəkilinə Qəzvinin cümə imamı da daxil olmaqla bir sıra hökumət mollalarının anti-Azərbaycan fəaliyyətlərinin qəbuledilməz olduğunu diqqətə çatdırıb.
"AzPolitika.info"
