Böyük Britaniyada fəaliyyət göstərən "Finding the One" adlı tanışlıq proqramı Z nəslinin (13-28 yaş) mətbəxlə əlaqəsini araşdırıb.
Ölkə.Az xəbər verir ki, araşdırmanın nəticələri aşağıdakı kimi olub.
Araşdırmada iştirak edənlərin 80%-i lazanya və qızardılmış toyuq kimi yeməklər hazırlamağı bilmir.
64%-i yemək bişirməyi bilmədiyi üçün çöldə yeməyə üstünlük verir;
61%-i yumurta bişirə bilmir;
50%-i yemək bişirməyi stresli hesab edirlər. Çünki bunu necə edəcəyini bilmirlər və ya əmin deyillər;
42%-i ət qovurmağı çətin hesab edir;
27%-i sup bişirməkdə çətinlik çəkir;
25%-i sifariş etdikləri yeməkləri evdə hazırlanmış kimi göstərmək üçün yalan danışırlar;
17% romantik şam yeməyi üçün evdə hazırlanmış yeməyə üstünlük verir;
Qeyd edək ki, Z nəslinin 1990-cı ilin ortalarından 2010-cu ilə qədər doğulanları əhatə edir. Onlardan sonra gələn nəsil isə "Alfa" adlanır.
Xatırladaq ki, bundan əvvəl Z nəsli ilə bağlı aparılan digər bir araşdırma isə bu nəslin nümayəndələrinin gündəlik ev işlərini də bacarmadığını, ən sadə işlər üçün belə usta çağırdıqlarını üzə çıxarmışdı.
Billurə Yunus
