"Mini Ay" Yerin bir hissəsi ola bilər

7NEWS.az xəbər verir ki, astronomlar bir müddət əvvəl müşahidə edilən və "Mini Ay" adlandırılan "2024 PT5" adlı meteoritin Aydan qopan bir parça ola biləcəyini iddia etdilər. Diametri 10 metr olan göy cismi Ayın səthinə bənzər mineralları daşıyır və Günəş ətrafında orbitdə hərəkət edir. Avqustun 7-də ATLAS teleskop sistemləri ilə ilk müşahidə aparılıb. NASA mütəxəssisləri bu kəşfin Aydan qopan meteoritlərin populyasiyasını anlamaqda mühüm addım olduğunu vurğuladılar.