London sakini doğma şəhərinin görməli yerlərini gəzib. O, 24 saat ərzində 42 muzeyi gəzərək Ginnesin Rekordlar Kitabına düşüb.
Herbiand.az bildirir ki, bu barədə UPI xəbər verib.
42 yaşlı Ben Melhem deyib ki, övladları Matilda və Henrik onu 24 saat ərzində ən çox muzey ziyarətinə görə rekord vurmağa ruhlandırıblar.
“Bu rekord mənim övladlarımla Ginnesin Rekordlar Kitabını oxuyarkən dünya rekordunu qırmağın nə qədər çətin olduğu haqqında söhbətimlə başladı”, - o, Guinness World Records-a müsahibəsində bildirib.
Melhemin uşaqları sürətlə rekord vurmaq cəhdi zamanı muzeyi ziyarət edərkən ona qoşulublar.
O qeyd edib ki, London belə bir layihə üçün ideal şəhərdir: “London belə cəhd üçün açıq seçim idi. 200-dən çox qeydiyyatdan keçmiş muzeyi ilə dünyanın ən böyük muzey şəhərlərindən biridir”.
Melhem 24 saat ərzində 42 muzeyi ziyarət edərək, 2024-cü ildə Hindistanın Dehli şəhərində Sujoy Kumar Mitra və Svarup Davrani tərəfindən həyata keçirilən 33 muzeyin rekordunu qırıb.
Bəxtiyar CƏFƏRLİ
