Əlverişsiz hava şəraitindən istifadə edən rus işğalçıları Donetsk vilayətinin Pokrovsk bölgəsinə hücuma keçirlər.
Ukrayna Milli Qvardiyasının sözçüsü Ruslan Muzıçuk bu barədə yanvarın 30-da Rada YouTube kanalında milli telemarafonda məlumat verib. “Düşmən həm Pokrovsk ərazisində, həm də Pokrovskun cənub cinahında əhalinin məskunlaşdığı ərazilərə qarşı kifayət qədər fəal şəkildə hücum əməliyyatları keçirməyə davam edir”, – Muzıçuk bildirib.
O qeyd edib ki, işğalçılar piyada dəstələrini cəmləşdirir və hava şəraitindən istifadə edirlər. Muzıçukun sözlərinə görə, duman Ukrayna hava kəşfiyyatının işinə mane olur, ruslar isə 10 nəfərlik piyada dəstələrindən aktiv şəkildə yararlanır. NSU spikeri əlavə edib ki, ötən payızla müqayisədə hər iki tərəfdən cəbhə xəttində dronlardan istifadə tezliyi 2,5 dəfədən çox artıb.
//Samir Qurbanov, Editor.az
