“Beyin fəaliyyətini yaxşılaşdırmaq üçün tablet və kapsullara daxil edilən göbələklər ağır zəhərlənmə və allergiyaya səbəb ola bilər”
News24.az medianews.az-a istinadən xəbər verir ki, bunu terapevt Viktor Lişin deyib.
Lişin qeyd edib ki, bioloji aktiv əlavələrin buraxılmasına ciddi nəzarət yoxdur, ona görə də istehsalçılar tez-tez aktiv maddələrin konsentrasiyasını dəyişirlər.
Onun sözlərinə görə, bu, çox vaxt gözlənilməz nəticələrə gətirib çıxarır. Terapevt aydınlaşdırıb ki, tərkibində göbələk olan dərmanlar qəbul edərkən ən çox rast gəlinən simptomlar allergik reaksiya, övrə xəstəliyi, dəri səpgiləri və ya Kvinke ödemidir.
Lişinin sözlərinə görə, zəhərli göbələklərlə qida əlavələri qəbul etməyin digər mümkün fəsadları qida zəhərlənməsidir. Həkim vurğulayıb ki, göbələklərə qarşı dözümlülük çox vaxt orqanizmin fərdi xüsusiyyətlərindən asılıdır.
“Bəzi insanlar üçün 20 mikroqram maddə yan təsirə səbəb ola bilər, bəziləri isə 100 mikroqramdan sonra heç nə hiss etməyəcək”, – deyə həkim bildirib.
