Rusiyalı məktəbli "TikTok" trendini təkrarlayarkən görmə qabiliyyətini itirmək təhlükəsi ilə üzləşib.
News24.az xəbər verir ki, bu barədə tibb müəssisəsinin mətbuat xidmətindən məlumat verilib.
Xəstəxanadan bildirilib ki, oğlana gözünün və üzünün kimyəvi yanıqları diaqnozu qoyulub. Məktəbli TikTok-dan drenaj təmizləyicisini folqa ilə qarışdırmağı təklif edən tendensiyanı təkrarladığını, lakin təcrübənin təhlükəli nəticələrə səbəb ola biləcəyini əvvəlcədən görmədiyini söyləyib.
“Kimyəvi reaksiya nəticəsində yaranan maddə onun üzünə keçərək göz qapaqlarında ağır yanıqlara səbəb olub”, - deyə həkimlər qeyd ediblər.
Uşaq hazırda ikinci oftalmologiya şöbəsində müalicə olunur.
Məryəm İlhamqızı
