Amerikanın Filadelfiya şəhərində kiçik təyyarə yaşayış binalarının üzərinə düşüb və yanğın başlayıb.
“Fövqəladə hallar ekipajları Filadelfiyanın şimal-şərqində Ruzvelt bulvarı və Kottman prospekti ərazisində kiçik bir təyyarənin qəzaya uğramasından sonra baş verən partlayışla bağlı xilasetmə işləri həyata keçirirlər”, - deyə yerli polis bildirib.
Fox News xəbər verir ki, sözügedən təyyarə qəzadan yarım dəqiqə əvvəl yerli hava limanından havaya qalxan Lir 55 tibbi təyyarəsi olub. Təyyarədə altı nəfər olub: iki pilot, iki həkim, bir xəstə və onun qohumu.
Təyyarə Kottman prospekti və Ruzvelt bulvarı ərazisində yaşayış binalarına çırpılıb və bir neçə ev yanıb. Qaz xəttinə də ziyan dəyib və bu da yanğınları daha da gücləndirib. Filadelfiya meri Şerelle Parker bir neçə evə və avtomobilə ziyan vurduğunu bildirib.
Təyyarənin qəzaya uğramasının səbəbləri, sərnişinlərin və yerdəki qurbanların taleyi ilə bağlı heç bir məlumat verilməyib.
Bu, bir neçə gün ərzində ABŞ-da ikinci böyük aviasiya fövqəladə hadisəsidir. Cümə axşamı gecəsi Vaşinqtonun Reyqan Beynəlxalq Hava Limanı yaxınlığında mülki təyyarə ilə hərbi helikopter toqquşub. Təyyarənin göyərtəsində 60 sərnişin və dörd ekipaj üzvü, helikopterdə isə üç ekipaj üzvü olub. Heç kim sağ qalmadı.
ABŞ prezidenti Donald Tramp təyyarə qəzasında sağ qalanların olmadığını bildirib. Mülki təyyarədə olan sərnişinlər arasında ruslar da olub. Ağ Ev rəhbəri Rusiya vətəndaşlarının ölümü ilə bağlı başsağlığı verib və onların cəsədlərinin vətənə göndərilməsinə köməklik edəcəyinə söz verib.
Black Hawk helikopteri ilə Kanzas sərnişin təyyarəsinin toqquşması ABŞ-da son 15 ildə ən pis hava fəlakəti hesab edilir.
Əziz Mustafa, Oxuməni.az
