Müzakirədə iştirak edən Ajans.az saytının baş redaktoru, jurnalist Tural Museyibov bildirib ki, bu gün təhsildə yaşanan əsas çətinliklər, müəllimlərin və şagirdlərin təhsil prosesində dəyərsizləşdirilməsi onlara rəhbərlik edən komandanın problemindən irəli gəlir.
"Elektron sistem açılan kimi, şagird yerdəyişməsi məsələsi gələndə dərhal dələduzlar peyda olur. İstənilən uşağı istənilən yerə, müəyyən şeylərin müqabilində dəyişə bilirlər. Ümid edirəm ki, müəllim, şagird yeri dəyişmə, direktor təyinatı və baş verən digər neqativ hallarla bağlı bir tədbir görüləcək. Təhsil bizim gələcəyimizdir. Bu sahəni bazara çevirmək olmaz".
View this post on Instagram
