Beynəlxalq Futbol Federasiyası (FIFA) “Adidas” şirkəti ilə 2025-ci ilin yayında Amerika Birləşmiş Ştatlarında keçiriləcək FIFA Klublararası Dünya Çempionatının rəsmi oyun topunu təqdim edib.
Yeniavaz.com xarici KİV-ə istinadla xəbər verir ki, qarşıdan gələn FIFA Klublararası Dünya Çempionatı tarixdə 21-ci və altı qitə konfederasiyasından 32 klubun iştirak etdiyi yeni formatda ilk turnir olacaq.
Final 13 iyul 2025-ci ildə Nyu-Cersi ştatının Şərqi Ruterford şəhərindəki “MetLife” Stadionunda keçiriləcək.
Qeyd edək ki, klublararası dünya çempionatının hazırkı qalibi “Mançester Siti”dir. 2023-cü ildə İngiltərə klubu finalda Braziliyanın “Fluminense” klubunu məğlub edib.
