Bu gün Azərbaycan Basketbol Liqasında XIII tur çərçivəsində daha iki görüş baş tutacaq.
Fanat.Az xəbər verir ki, əvvəlcə A qrupunda NTD ilə "Neftçi" üz-üzə gələcək.
Görüş Bakı İdman Sarayında küçiriləcək və saat 12:30-da start götürəcək.
B qrupunda isə "Şəki" "Sumqayıt"ı sınağa çəkəcək. Şəki Olimpiya İdman Kompleksində baş tutacaq matç 14:00-da başlayacaq.
Qeyd edək ki, "Neftçi" 12 turdan sonra 17 xalla A qrupunda beşinci yerdədir. NTD 15 xalla sonuncu - altıncı pillədə qərarlaşıb.
"Şəki" 22 xalla B qrupunun birincisi, 16 xala malik "Sumqayıt" dördüncüdür.
Turun əvvəlki oyunlarında "Naxçıvan" "Sərhədçi"ni 80:76, "Abşeron" isə "Sabah"ı 67:59 hesabı ilə məğlub edib.
Tura fevralın 2-də yekun vurulacaq.
