“Artıq hamıya məlumdur ki, Aila Rai ötən gün dəhşətli qəza keçirib. Nəticədə onun qabırğaları qırılıb və bədənin müxtəlif üzvləri xəsarət alıb. Bununla əlaqədar o təcili əməliyyat olunub. Bu gün Aila narkozdan ayılıb. Artıq həyati təhlükəsi yoxdur”.
Bu sözləri gənc müğənni Aila Rainin prodüseri Aytən xanım OLAY-ın əməkdaşı ilə söhbətində deyib.
İfaçının prodüseri ötən gün Elgiz Əkbərin aparıcısı olduğu “Elgizlə izlə” verilişində söylədiyi “Ailanın qəza nəticəsində beli qırılıb” açıqlamasının yalan olduğunu bildirib:
“Elgiz Əkbərin canlı efirdə Ailanın belinin qərılması ilə bağlı verdiyi məlumatın heç bir əsası yoxdur. Çünki, o da məlumatı başqa saytdan götürüb oxuyub. Xeyir beli qırılmayıb, sadəcə ağır zədələr alıb. Amma Aila əməliyyat olunaraq o zədələr aradan qaldırılıb. Həkimlər isə onun hazırki vəziyyətinin orta ağır kimi qiymətləndirirlər”.
Qeyd edək ki, Aila Rai Şahdağdan qayıdarkən ağır qəza keçirib.
