Kaliforniya ştatının Martinez şəhərində neft emalı zavodunda yanğın baş verib.
Publika.az xəbər verir ki, bu barədə "The Mercury News" məlumat yayıb.
Bildirilib ki, hadisə Şell prospektində baş verib. Jurnalistlər partlayışa və irimiqyaslı yanğına karbohidrogen sızmasının səbəb olduğunu öyrəniblər. Onlarr qeyd ediblər ki, yanğın başlayandan cəmi üç saat sonra özünü təcrid etmək əmri verilib.
Zavodun 3 əməkdaşı yüngül xəsarət alıb, zavodun bütün işçiləri təxliyə edilib. Hadisənin meydana gəldiyi prospekt bağlanıb.
