Futbol üzrə İngiltərə Premyer Liqasında XXIV turun mərkəzi oyunu keçirilib. "Arsenal" doğma meydanda "Mançester Siti"ni qəbul edib. Son aylar uğursuzluq girdabında çapalayan Mançester təmsilçisi bi dəfə də rüsvayçı məğlubiyyəti dadmalı olub. Görüş London klubunun 5:1 hesablı qələbəsi ilə yekunlaşıb. Bu nəticədən sonra xallarını 50-yə çatdıran "Arsenal" 2-ci pillədə qərarlaşıb. "Mançester Siti" isə 41 xalla dördüncüdür.
İngiltərə mediası isə yazır ki, "Mançester Siti" rəhbərliyi artıq Xosep Qvardiola ilə yola davam etməyin mümkünsüz olduğu qənaətindədir. Medianın yazdığına görə, ispaniyalı mütəxəssis də artıq bu nəticələrdən sonra komandada qalmağın mənasız olduğunu, müsbət dəyişikliyə nail olunacağına ümidin qalmadığını düşünür.
Mətləb
