Aprelin 29-dan 30-dək Aşqabadda “Türkmənistanda beynəlxalq standartlara cavab verən keyfiyyət zəmanəti” beynəlxalq konfransı keçiriləcək.
Hafta.az-ın yazdığına görə, tədbirdə iştirak etmək üçün mövzu üzrə ekspertlər, biznes, dövlət qurumları və beynəlxalq təşkilatların nümayəndələri dəvət olunub. Tədbir standartlaşdırma sahəsində aktual məsələlərin müzakirəsi, məhsul və xidmətlərin keyfiyyətinin təmin edilməsi məqsədi daşıyır.
Gözlənilən konfrans iştirakçılara beynəlxalq standartlara uyğunluq, məhsul və xidmətlərin rəqabət qabiliyyətinin artırılması, müasir idarəetmə sertifikatlaşdırma sistemlərinin tətbiqi mövzularında fikir mübadiləsi aparmağa imkan verəcək. Tədbir Türkmənistan iqtisadiyyatının qlobal iqtisadiyyata daha da inteqrasiyasına və respublikanın beynəlxalq bazarlarda mövqeyinin möhkəmlənməsinə töhfə verəcək.
