Olaylar.az xəbər verir ki, araşdırmanın nəticələri Communications Earth and Environment jurnalında dərc edilib.
Qədim dövrlərdə qurğuşun mis və gümüş əridildikdə yan məhsul kimi havaya buraxılırdı. Daha sonra bu toksik metal toz halında bərkimiş və torpağa çökərək çirklənməyə səbəb olmuşdu.
Ən qədim qurğuşun çirklənməsi izləri Yunanıstanın şimal-şərqində, Tasos adası yaxınlığında aşkarlanıb. Arxeoloji tapıntılar göstərir ki, Tasos bölgədə gümüş hasilatı və metal emalı ilə məşhur olan əhəmiyyətli mərkəzlərdən biri olub.
Alimlər müəyyən ediblər ki, Yunanıstanın bürünc dövrü, klassik və ellinizm dövrləri boyunca qurğuşun çirklənməsi nisbətən aşağı səviyyədə və lokal xarakterli olub.
Lakin təxminən 2150 il əvvəl ölkə ərazisində qurğuşun tullantılarının miqdarında kəskin artım müşahidə edilib. Bu barədə araşdırmanın həmmüəllifi, Heydelberq Universitetinin alimi Andreas Kutsodendris məlumat verib.
Bu dövr, eramızdan əvvəl 146-cı ildə Roma ordusunun Yunanıstanı fəth etməsi ilə üst-üstə düşür. Roma imperiyasının genişlənməsi ilə ticarət, koloniyalar və dəniz yolları inkişaf etmiş, nəticədə gümüş sikkələrə tələbat artmışdı. Bu da qurğuşun ayrılması ilə müşayiət olunan metallurgiya fəaliyyətini gücləndirmişdi.
Daha sonra Roma imperiyası qurğuşundan qab-qacaq istehsalında və tikintidə, o cümlədən su borularının hazırlanmasında istifadə etmişdi.
