ABŞ Prezidenti Donald Tramp ABŞ Beynəlxalq İnkişaf Agentliyinin (USAID) rəhbərliyinin “radikal dəlilərdən” ibarət olduğunu bildirib.
Yeniavaz.com “Fox News” telekanalına istinadla xəbər verir ki, o, bunu bazar günü Vaşinqton yaxınlığındakı Endryus Hərbi Hava Qüvvələri bazasında jurnalistlərə açıqlamasında deyib.
“USAID-i radikal dəlilər idarə edir. Biz isə onları aradan qaldırırıq”, - deyə o, bildirib.
Digər tərəfdən, ABŞ-nin Hökumətin Effektivliyi Departamentinə (DOGE) rəhbərlik edən İlon Mask USAID-i COVID-19-un patogenləri də daxil olmaqla bioloji silahların hazırlanmasını maliyyələşdirməkdə ittiham edib. Həmçinin, o, “X”-dəki yazısında USAID-in ölmək vaxtı çatmış cinayətkar təşkilat olduğunu irəli sürüb.
