“Azərbaycan Hava Yolları” QSC (AZAL) Bakı-Həştərxan-Bakı marşrutu üzrə bütün uçuşları qeyri-müəyyən müddətə dayandırıb. Bu barədə Oxuməni.az Azərbaycan aviaşirkətinın Telegram- kanalına istinadən xəbər verir.
Uçuşların təhlükəsizliyini təmin etmək üçün belə tədbirlərin görüldüyü bildirilir. Ləğv edilmiş reyslərdə olan sərnişinlərə tam geri qaytarmaq və ya biletlərini yenidən bron etmək üçün aviaşirkətə e-poçt göndərmələri tövsiyə olunub.
2024-cü il dekabrın sonunda AZAL-a məxsus təyyarənin Aktau yaxınlığında qəzaya uğramasından sonra Azərbaycan bütün aviaşirkətlərinın Rusiyanın 10 şəhərinə uçuşları dayandırıb. Məhdudiyyətlər Mineralnıye Vodı, Soçi, Volqoqrad, Ufa, Samara, Saratov, Nijni Novqorod, Vladiqafqaz, Qroznı və Mahaçqalaya uçuşlara şamil edilib.
Almaz Həsənli
