Rusiya hərbçilərinin xidmət etdiyi Ermənistanın İranla sərhədində Rusiya Federasiyasının bayraqları götürülüb.
Busaat.az xəbər verir ki, bu barədə erməni jurnalist Akopyan yazır:
“Axırıncı dəfə burada təxminən ay yarım əvvəl olmuşdum və rus üçrənglilərini görmüşdüm.
Başa düşdüyüm qədər, Ermənistan-İran sərhəd dirəklərindən Rusiya bayraqları yığışdırılıb və yalnız erməni bayraqları qalıb”, – o, Facebook səhifəsində yazıb.
Yanvarın 24-də Ermənistan XİN rəhbərinin müavini bildirib ki, Rusiya sərhədçiləri Ermənistan-Türkiyə və Ermənistan-İran sərhədlərində xidmətini dayandıra bilərlər.
