jpg-1738583313.jpg)
Xəbər verdiyimiz kimi, Rüfət Əzizov Azərbaycan Dövlət Neft və Sənaye Universitetinin rektoru təyin edilib.
Bakıvaxtı.az xəbər verir ki, bu barədə Prezident İlham Əliyev Sərəncam imzalayıb.
Bəs ADNSU-nun yeni rektoru kimdir?
Məlumata görə, Rüfət Əzizov 7 aprel 1980-ci ildə Bakı şəhərində anadan olub. Kimya elmləri üzrə fəlsəfə doktorudur.
O, 2003-cü ildə Lomonosov adına Moskva Dövlət Universitetini bitirib, 2006-cı ildə kimya elmləri üzrə fəlsəfə doktoru dərəcəsi alıb. London Materiallar İnstitutunun müxbir üzvüdür, "Chartered Scientist" elmi adına layiq görülüb. O, BP şirkətində mühəndislik təcrübəsi qazandıqdan sonra "Unimetal" MMC-də çalışıb, metal sənayesində strateji inkişaf layihələrini idarə edib.
2021-ci ildən Azərbaycan Respublikasının Təhsil İnstitutunun direktoru vəzifəsinə təyin edilib. 2023-cü ildə Sumqayıt Dövlət Universitetinin rektoru təyin edilib.
Elmi araşdırma sahələri kimyəvi kataliz, korroziya və biotexnologiyadır. 30-dan artıq elmi əsərin müəllifidir və 45 elmi-tədqiqat işinə rəhbərlik edib.
Əli Hüseynov
