Bakı,TurkicWorld
Türkiyənin xarici işlər naziri Hakan Fidan İordaniyanın xarici işlər naziri Ayman əs-Səfədi ilə telefon danışığı aparıb.
TurkicWorld AzerVoice -ə istinadən xəbər verir ki, Xarici İşlər Nazirliyindən əldə edilən məlumata görə, telefon danışığında ikitərəfli əlaqələr, Suriyadakı vəziyyət və Fələstindəki son hadisələr müzakirə olunub.
Nazirlər, xüsusilə regional sabitliyin qorunması, humanitar məsələlər və bölgədəki sülh prosesləri ilə bağlı fikir mübadiləsi aparıblar.
Görüş zamanı Türkiyə və İordaniya arasındakı əməkdaşlığın daha da gücləndirilməsi və tərəflər arasındakı diplomatik əlaqələrin inkişaf etdirilməsi məsələləri də gündəmə gəlib.
