Səhiyyə Nazirliyinin Analitik Ekspertiza Mərkəzi əczaçılıq müəssisələrində yoxlamalar aparıb.
Demokratikmusavat.comxəbər verir ki, yanvar ayı ərzində Bakı şəhəri üzrə 1, respublikanın digər şəhər və rayonlarında isə 15 aptek olmaqla ümumilikdə 16 aptekdə yoxlama aparılıb.
Aparılan yoxlamalar nəticəsində 9 aptekdə nöqsanlar aşkarlanıb və İnzibati Xətalar Məcəlləsinin 452.1 və 452.3 maddələri üzrə protokollar tərtib edilib.
Demokratikmusavat.combildirir ki, sözügedən maddələrdə apteklərdə resept təqdim edilməklə buraxılmalı olan dərman vasitələrinin reseptsiz buraxılmasına və ya yetkinlik yaşına çatmayanlara dərman vasitələrinin buraxılması qaydalarının pozulması, o cümlədən aptek təşkilatlarına dair tələblərin pozulması qeyd olunub.
Müvafiq inzibati xətalara əsasən, yüz əlli manatdan iki yüz əlli manatadək məbləğdə cərimə və vəzifəli şəxslər beş yüz manatdan yeddi yüz manatadək məbləğdə, hüquqi şəxslər min manatdan iki min manatadək məbləğdə cərimə edilir.
