Qazaxıstanda 2022-ci ilin yanvar iğtişaşları zamanı 2960 silah oğurlanıb. Bu barədə fevralın 4-də Respublika Daxili İşlər Nazirliyinin saytında məlumat verilib .
“İğtişaşlar zamanı 2960 ədəd xidməti və mülki silah oğurlanıb. Bu gün yanvar hadisəsi zamanı oğurlanmış 1226 silahın mənşəyi dəqiq müəyyən edilib”, - deyə idarənin mətbuat xidmətindən bildirilib.
AzNews.az xəbər verir ki,bu yaxınlarda Çimkəndin kənarındakı qəbiristanlığın yaxınlığında silah-sursat anbarı aşkar edilib, 4 ədəd hamar lüləli silah və müxtəlif sursatlar götürülüb. Onların arasında yanvar hadisəsi zamanı Almatıdakı silah mağazasından oğurlanmış silahlar da var. Kostanay vilayəti sakininin zirzəmisindən də 3 ədəd “Kalaşnikov” avtomatı aşkar edilərək götürülüb.
Faktla bağlı cinayət işi açılıb.
Bundan əlavə, qeyd edilir ki, son üç il ərzində həyata keçirilən əməliyyat tədbirləri, axtarış və basqınlar nəticəsində 8 min ədədə yaxın odlu və travmatik silah, 831 qumbara, 112 mindən çox müxtəlif çaplı patron və onların saxlandığı 722 yer gizlədilən silah aşkar edilərək götürülüb.
“Cinayətkarlar tərəfindən müsadirə edilmiş qalan 6765 ədəd silahın qəsdən məhv edilməsi və qeydiyyat nömrələrinin silinməsi ilə əlaqədar onlar barəsində müvafiq ekspertizalar təyin edilib”, - deyə Qazaxıstan Daxili İşlər Nazirliyinin rəsmi nümayəndəsi Şınqış Alekeşev bildirib.
