BMT: ABŞ-nin tarifləri qlobal iqtisadi problemlərə təsir edəcək

BMT sözçüsü Stefan Dujarrik xəbərdarlıq edib ki, bu cür tədbirlərxüsusilə inkişaf etməkdə olan ölkələrdə iqtisadi problemləri daha da pisləşdirə bilər.

Tramp “tarif müharibələri”nə başladı

Qeyd edilib ki, qlobal iqtisadiyyat artıq aşağı artım dövrünü yaşayır və artan ticarət maneələri həssas qruplar üçün vəziyyəti daha da pisləşdirə bilər.

Dujarrik əlavə edib ki, ticarət məhdudiyyətlərinin artmasına baxmayaraq, əksər ölkələr hələ də Ümumdünya Ticarət Təşkilatının(ÜST) qaydalarına əməl edir və bu, qlobal iqtisadiyyatda sabitliyə və etimada töhfə verir.

BMT-nin İqtisadi və Sosial Məsələlər Departamentinin nümayəndəsi Qriqor Aqabekyan da məsələyə reaksiya verib. Onun fikrincə, yüksək tariflərin və əlavə ticarət məhdudiyyətlərinin tətbiqi ticarət zəncirini poza, istehsal fəaliyyətlərini və transsərhəd investisiyaları zəiflədə, idxal qiymətlərinə təsir göstərə və inflyasiyanın artmasına səbəb ola bilər.

Xatırladaq ki, ABŞ Prezidenti Donald Tramp Kanada, Meksika və Çindən idxal edilən məhsullara rüsum tətbiqi barədə 3 sərəncam imzalayıb. Kanada və Meksikadan idxal olunan məhsullara 25 faiz, Çindən idxal edilən məhsullara isə 10 faiz gömrük tarifləri tətbiq ediləcək. İstisna yalnız neftlə bağlı olub. Yanacağın bahalaşması ehtimalını minimuma endirmək üçün Kanadadan enerji idxalına tariflər 10 faiz azaldılıb.

Bu sərəncamlar faktiki olaraq hər 3 ölkə ilə bir neçə ildir mövcud olan rüsumsuz ticarəti ləğv edir.
Tural Tağıyev
AzVision.az