Fransa Vətənpərvərlər Partiyasının lideri Florian Filippot Fransa prezidenti Emmanuel Makronu üçüncü prezidentliyə namizəd olmaq üçün “dövlət çevrilişi” hazırlamaqda ittiham edib.
News24.az xəbər verir ki, siyasətçi bu barədə “France Info” radiostansiyasının reportajına istinadən X sosial şəbəkəsində yazıb.
Filippo öz açıqlamalarını Makronun əsas müttəfiqi Riçard Ferrandı Konstitusiya Şurasının prezidenti vəzifəsinə namizədliyi ilə əlaqələndirib. Filipponun sözlərinə görə, bu təyinat təsadüfi deyil. O, “Ferran yeni müddətə qadağadan yan keçmək istəyir, o, artıq bu barədə danışıb” deyə iddia edərək, Makronun “bu ideyaya aludə olduğunu” və “dövlət çevrilişi” hazırladığını bildirib.
Fransa Konstitusiya Şurasının tərkibi hər üç ildən bir üçdə bir yenilənir. Bu hökumət orqanına prezidentdən başqa, Milli Assambleyanın sədri və Senatın sədri, Fransa parlamentinin aşağı və yuxarı palatalarının rəhbərləri də öz namizədlərini irəli sürürlər.
Yanvarda məlum olub ki, fransızların 79%-i Makronun respublika prezidenti kimi fəaliyyətini bəyənmir.
Ağa Dadaşzadə
