ABŞ və Çin arasında ticarət müharibəsi malların Qazaxıstan üzərindən tranzitinə həm müsbət, həm də mənfi təsir göstərə bilər.
“Report”un Qazaxıstan bürosu xəbər verir ki, bunu Dünya İqtisadiyyatı və Beynəlxalq Münasibətlər İnstitutunun direktoru Akimjan Arupov bildirib.
Məlum olduğu kimi, Çinin ABŞ-yə cavab olaraq bu ölkədən idxal olunan bir sıra mallara vergi tətbiq etməsindən və Vaşinqtonun bütün Çin mallarına 10 % tarif tətbiq etməsindən sonra Google ilə bağlı antiinhisar araşdırmasına başlamasının ardınca iki ölkə arasında ticarət müharibəsinin yeni mərhələsi güclənir.
"Birincisi, Çin öz ixrac axınlarının bir hissəsini digər istiqamətlərə yönəltməyə çalışacaq. Məsələn, Rusiya ona qarşı sanksiyalar tətbiq edildikdən sonra neft axınlarını dərhal Çin və Hindistana yönəltdi. İndi Çin və Hindistan ABŞ ilə ticarət müharibəsi ərəfəsində tələsik digər bazarlara yönəlir", - A.Arupov bildirib.
Onun sözlərinə görə, ikincisi, ABŞ və Çin arasında "tarif" qarşıdurmasının yeni mərhələsi Qazaxıstan üzərindən tranzit yük axınının həcminin 5 deyil, 50 dəfə artmasına səbəb ola bilər.
"Lakin ticarət müharibəsinin təsiri mənfi də ola, yəni bəzi mallar üzrə tranzit axınları azala bilər", - ekspert sonda əlavə edib.
