ABŞ-də Çindən idxal olunan mallara yeni tariflər qüvvəyə minib.
Reuters-in məlumatına görə, vergi dərəcəsi 10% təşkil edir. Ümumilikdə Çinə qarşı nəzərdə tutulduğundan daha aşağı tariflər tətbiq edilib. Bundan əvvəl ABŞ prezidenti Donald Tramp verginin 60% olacağını bildirmişdi.
Çin Ticarət Nazirliyi də öz növbəsində Ümumdünya Ticarət Təşkilatına (ÜTT) məhkəməyə müraciət edəcəyini və əks tədbirlər görəcəyini vəd edib.
Bununla belə, Çin və ABŞ arasında ticarət müharibələri 2018-ci ildə Trampın ilk dövründə başlayıb və onlar mallara qarşılıqlı tariflərin tətbiqini əhatə edib.
Analitiklər hesab edirlər ki, bu, ABŞ və Çin iqtisadiyyatlarının açıq şəkildə deyildiyindən daha çox bir-birindən asılı olduğunu göstərir və tariflərin artırılması ABŞ-ə, ilk növbədə, özünə zərbədir.
Qeyd edək ki, daha əvvəl Tramp bəyan edib ki, Amerika “mütləq” Avropa İttifaqına (Aİ) tariflər tətbiq edəcə.
Ekspertlər hesab edirlər ki, ABŞ prezidentinin tətbiq etdiyi tariflər Çin, Kanada və Meksika ilə ticarəti çökdürəcək. Ölkələr arasında ticarət dövriyyəsinin azalması 30-50%-ə çata bilər. Kanada və Meksikada tariflər 30 gün müddətinə təxirə salınıb. Ağ Evin məlumatına görə, Ottava ilə yekun razılaşma da nəzərdən keçiriləcək.
Fevralın 1-də siyasətçi Kanadadan idxala 25% rüsum tətbiq edən fərman imzalayıb. Lakin Kanadanın baş naziri Castin Trüdo ilə telefon danışığından sonra Tramp mövqeyini dəyişib. Avropa iqtisadiyyatı isə hazırda ən həssas vəziyyətdədir.
