Fransalı müdafiəçi Aksel Disasi "Çelsi" klubundan "Aston Villa"ya keçib.
90deqiqe.Az-ın məlumatına görə, bu barədə klubun rəsmi saytı məlumat yayıb. Futbolçu cari mövsümün sonuna kimi yeni komandasında icarə əsasında çıxış edəcək.
Disasi cari oyun kampaniyasında "pensiyaçılar" üçün 17 oyun keçirib. Müdafiəçi iki qol vurub və iki məhsuldar ötürmə edib. Akselin "Çelsi" ilə hazırkı müqaviləsi 2029-cu ilin ortalarına qədərdir. "Aston Villa" hazırda Premyer Liqa cədvəlində səkkizinci yerdədir. Unai Emerinin yetirmələri növbəti matçını “İpsviç”ə qarşı keçirəcək.
