Olaylar.az xəbər verir ki, "Biz müzakirələri izləyirik. Ticarət müharibəsində mübarizə artacaq. Türkiyə riskləri hesablamağa başlayıb və uyğun addımlar atır. Biz iqtisadiyyat və ticarət sahəsində yol xəritəmizi yenidən nəzərdən keçiririk, orta və uzunmüddətli hədəflərimizi uyğunlaşdırırıq" - deyə Türkiyə Prezidenti Rəcəb Tayyib Ərdoğan milli məşğulluq strategiyasının irəliləməsi ilə bağlı iclasda bildirib.
ABŞ Prezidenti Donald Tramp, Kanadadan, Meksikadan və Çindən gələn mallara qarşı ticarət rüsumları tətbiq etmək barədə sərəncamlar imzalayıb. Kanadadan gələn bütün məhsullara 25% tarif tətbiq ediləcək, yalnız enerji resurslarına 10% rüsum qoyulacaq. Çin mallarına isə əlavə 10% tariflər tətbiq ediləcək. Meksikadan gələn məhsullara qarşı isə 25% tarif tətbiq ediləcək, amma 3 fevralda Tramp bu tarifləri bir ay müddətinə müzakirələr aparmaq üçün dayandıracağını elan edib.
