OpenAI, Cənubi Koreyanın ən böyük mesajlaşma platforması olan Kakao ilə süni intellekt məhsulları hazırlamaq üçün tərəfdaşlıq qurduğunu elan edib. Bu, şirkətin bu həftə Asiyada bağladığı ikinci mühüm əməkdaşlıqdır.
Amerikalılar DeepSeek-in AI modelini cəmi 30 dollara təkrarladı
FED.az xəbər verir ki, OpenAI-nin rəhbəri Sam Altman, Seulda Samsung, SoftBank və Arm Holdings-in rəhbərləri ilə görüşüb. SoftBank-ın rəhbəri Masayoshi Son, ABŞ-da həyata keçirilən Stargate adlı süni intellekt məlumat mərkəzi layihəsinin müzakirə olunduğunu bildirib. Altman, həmçinin Yaponiya ilə süni intellekt sahəsində əməkdaşlıq elan edib və Hindistanın Baş naziri Narendra Modi ilə görüş planlaşdırır.
Altman bildirib ki, Koreyanın yarımkeçirici və internet şirkətləri OpenAI üçün mühüm tərəfdaşdır. Stargate layihəsində Cənubi Koreyanın bir çox texnologiya şirkətinin iştirak edəcəyi gözlənilir. Kakao, OpenAI-nin texnologiyasını öz məhsullarında tətbiq edəcəyini və süni intellekti yeni inkişaf istiqaməti kimi gördüyünü açıqlayıb.
