Avstraliyanın Yeni Cənubi Uelsin bölgəsinin nəqliyyat naziri Co Haylen istefa verib.
Sfera.az bildirir ki, buna səbəb şəxsi səfəri üçün sürücüsünü 13 saatlıq yola çıxarması olub. Belə ki, Co Haylenin həftəsonu nahar üçün rəsmi avtomobilindən istifadə etməsi mübahisələr yaradıb. O, bu gün keçirdiyi mətbuat konfransında “Səhv etdim, heç kim mükəmməl deyil. Qaydaları pozmadım, amma qəbul edirəm ki, burada tək sınaq bundan ibarət deyil. Yəni mən ictimaiyyəti məyus etdim və buna görə çox üzr istəyirəm”, deyə bildirib.
Daha əvvəl də üzrxahlıq edən Haylen “Səhvlərim indi hökumətə zərər verir. Siyasət çox çətindir. Gözləntilər böyükdür. Bunun fərqindəyəm”, deyib.
Qeyd edək ki, şəxsi səfərini “işgüzar səfər” kimi təqdim edən Haylen 750 dollarlıq səfərin pulunu da ödəyəcək.
Türkan
