Bu gün futbol üzrə İtaliya Kubokunda 2024/2025-ci illər mövsümünün 1/4 final mərhələsinin oyunlarına start verilib.
Arena.az xəbər verir ki, ilk oyun günündə bir qarşılaşma baş tutub.
Mərhələnin açılış matçında “Atalanta” doğma meydanda “Bolonya” ilə münasibətlərinə aydınlıq gətirib. Qarşılaşmanın taleyini bir qol həll edib. Qonaqlar bu oyunda qələbə qazanmaqla yarımfinala ilk vəsiqənin sahibinə çevrilblər.
Sabah növbəti yarımfinalçının adına aydınlıq gələcək. Mərhələnin qalan iki oyunu fevralın sonlarında baş tutacaq.
İtaliya Kuboku
1/4 final
4 fevral
Atalanta – Bolonya 0:1
Qol: S.Kastro, 80.
5 fevral
00:00. Milan – Roma
25 fevral
00:00. İnter – Latsio
26 fevral
00:00. Yuventus – Empoli
