Azərbaycanın BMT-dəki daimi nümayəndəsi Tofiq Musayev türkiyəli həmkarı Ahmet Yıldızla görüşüb.
"Report" xəbər verir ki, bu barədə Türkiyənin dünya təşkilatındakı daimi nümayəndəliyinin mətbuat xidməti bildirib.
"Səfir Yıldız Azərbaycanın BMT-dəki daimi nümayəndəsi Tofiq Musayevlə Türk Evində nəzakət və başsağlığı ziyarəti münasibətilə görüşüb", – Daimi Nümayəndəliyin sosial şəbəkə hesabında qeyd olunub.
Qeyd edək ki, yanvarın 21-də gecə saatlarında Türkiyənin Bolu vilayətindəki Kartalkaya xizək kurortunda yerləşən hoteldə yanğın baş verib. Yanğın zamanı oteldə 238 qonaq olub. Hadisə nəticəsində 78 nəfər ölüb, 50-yə yaxın şəxs xəsarət alıb. Bununla əlaqədar yanvarın 22-də Türkiyədə matəm elan edilib.
