Busaat.az xəbər verir ki, The Washington Post (WP) yazır ki, ABŞ geni dəyişdirilmiş donuzların böyrəklərinin insanlara köçürülməsi sınaqlarını təsdiqləyib.
Nəşrin məlumatına görə, Qida və Dərman İdarəsi iki şirkətə, United Therapeutics və eGenesis-ə klinik sınaqların aparılmasına icazə verib. Tədqiqat son mərhələdə böyrək çatışmazlığı olan altı xəstəni əhatə edəcək və gələcəkdə iştirakçıların sayını 50-yə çatdırmağı planlaşdırır.
United Therapeutics-in ilk əməliyyatının 2025-ci ilin ortalarında olacağı gözlənilir.
Qeyd olunur ki, eGenesis şirkəti tərəfindən daha üç böyrək köçürüləcək.
