Sülh danışıqları masasına onlar oturmalıdır - Zelenski şərtləri açıqladı

Amerika Birləşmiş Ştatları, Avropa İttifaqı, Ukrayna və Rusiya müharibəni bitirmək üçün danışıqlar masası arxasında olmalıdır.
Publika.az xəbər verir ki, bunu Ukrayna prezidenti Vladimir Zelenski britaniyalı jurnalist Pirs Morqana müsahibəsində deyib.
O, Ukraynanın müharibənin qaynar mərhələsinə son qoymağa hazır olduğuna və heç kim kimi sülhə can atmadığına inandırıb. Onun sözlərinə görə, hətta Putinlə söhbət belə artıq güzəşt və kompromisdir:
"Biz inanırıq ki, Tramp uğur istəyir və bu, sağlam düşüncənin qələbəsidir. Həmçinin bu, müharibənin qaynar mərhələsinin başa çatması və şübhəsiz ki, Ukrayna üçün etibarlı təhlükəsizlik zəmanəti deməkdir".
Zelenski hesab edir ki, Rusiyaya qarşı sanksiyaların ləğvi yalnız onun qoşunlarının Ukraynaya təkrar müdaxiləsi riskini artıracaq.