5 fevral – futbol dünyasının əfsanələrinin doğum günüdür.
Offsideplus.az xəbər verir ki, bu gün, 5 fevral, futbol tarixinə damğa vuran bir neçə ulduz futbolçunun doğum günü kimi qeyd olunur.
Kriştianu Ronaldu – Portuqaliyalı superulduz 1985-ci ilin bu günündə dünyaya gəlib. “Manchester United”, “Real Madrid”, “Juventus” və hazırda “Al-Nassr”da çıxış edən futbolçu karyerası ərzində 5 dəfə “Qızıl top” mükafatına layiq görülüb.
Neymar – Braziliyalı hücumçu 1992-ci ilin 5 fevralında anadan olub. “Santos”, “Barcelona”, PSJ və hazırda “Al-Hilal”da oynayan Neymar texnikası və driblinqi ilə seçilir.
Karlos Teves – Argentina futbolunun simalarından biri olan Teves 1984-cü ildə dünyaya gəlib. O, karyerası ərzində “Boca Juniors”, “Manchester United”, “Manchester City” və “Juventus” kimi klubların formasını geyinib.
