Bu ilin yanvar ayında dünya bazarlarında “Brent” etalon markalı neftin 1 barelinin orta qiyməti 79,2 ABŞ dolları təşkil edib, bu da ötən ilin dekabr göstəricisi (73,8 dollar) ilə müqayisədə 7,3% çoxdur.
Bu barədə “APA-Economics” Dünya Bankının əmtəə qiymətləri üzrə aylıq hesabatına istinadən xəbər verir.
Hesabata əsasən, 2024-cü ildə “Brent” neftinin orta qiyməti 80,7 dollar səviyyəsində olub, bu da 2023-cü ilin göstəricisi (82,6 dollar) ilə müqayisədə 2,3% azdır.
Məlumata görə, cari ilin yanvar ayında WTI (West Texas Intermediate) etalon markalı neftin 1 barelinin orta qiyməti 75,1 ABŞ dollarına bərabər olub, bu da öncəki ayın göstəricisi (69,8 dollar) ilə müqayisədə 7,6% çoxdur.
Qeyd olunur ki, ötən il WTI markalı neftin orta qiyməti 75,8 dollar təşkil edib, bu da öncəki ilin göstəricisi (77,7 dollar) ilə müqayisədə 2,4% azdır.
