ABŞ prezidenti Donald Trampın müşavirləri və onun administrasiyasının üzvləri arasında Rusiya-Ukrayna münaqişəsinin həlli ilə bağlı fikir ayrılıqları yaranıb.
Editor.az bildirir ki, bu barədə “NBC News” mənbələrə istinadən xəbər verir. Donald Trampın milli təhlükəsizlik müşaviri Mike Valtz və Donald Trampın Ukrayna üzrə xüsusi nümayəndəsi Keyt Kelloq Rusiya hakimiyyətini güzəştə getməyə sövq etmək üçün “Amerikanın təzyiqindən istifadə etməyi” təklif edirlər. Digərləri, kimin haqqında danışdıqlarını dəqiqləşdirmədən, “münaqişəni tez bir zamanda dayandırmağa məcbur etmək” üçün Ukraynaya yardımın kəsilməsini müdafiə edirlər.
Bu mövqeyi tənqid edənlər hesab edirlər ki, “bu, Ukraynanı effektiv şəkildə tərksilah edəcək”.
Fevralın 3-də Donald Tramp Ukrayna ilə ABŞ yardımının “nadir torpaq metalları və digər əşyalarla” mübadilə ediləcəyi bir razılaşma əldə etmək istədiyini açıqlayıb. Ukrayna prezidenti Vladimir Zelenski buna razılıq verib və onun “qələbə planında” oxşar məqamın olduğunu vurğulayıb. Bu arada Kreml qeyd edib ki, Rusiya və ABŞ arasında Ukrayna ilə bağlı təmaslar son vaxtlar “intensivləşib”.
//Samir Qurbanov, Editor.az
