Qızıl özünün ən bahalı dövrünü yaşayır.
Yenisabah.az xəbər verir ki, ticarət müharibələrinin təsiri ilə qızılın bir unsiyası 2849,05 dollara çatıb.
ABŞ-Çin ticarət müharibəsi təhlükəsiz liman tələbini artırdığı üçün qızıl demək olar ki, 1% bahalaşdıqdan sonra rekord həddə yüksəlib. Bu, ABŞ prezidenti Donald Trampın bir gün əvvəl Çin idxalına 10 faizlik rüsum tətbiq etməsindən sonra baş verib. Bahalaşma Pekinin sürətli cavab reaksiyasına səbəb olub. Çinin cavabı Trampın ilk müddəti ilə müqayisədə nisbətən yumşaq hesab olunur.
Bazarlar isə tariflərin inflyasiyanı yenidən alovlandıracağı təqdirdə ABŞ-ın pul siyasətinə hər hansı dalğalanma təsirinin olub-olmadığını görmək üçün gözləyir.
Digər tərəfdən, Tramp İsrailin baş naziri Benyamin Netanyahu ilə keçirdiyi mətbuat konfransında ABŞ-ın Qəzza zolağının ələ keçirməsini və müharibədən zərər çəkmiş bölgənin bərpasına görə məsuliyyəti öz üzərinə götürməsini təklif edib. Qiymətli metal artan qeyri-müəyyənlikdən faydalansa da, faiz dərəcələri yüksək qalarsa, dəyərini itirə bilər.
“Saxo Capital Markets”in strateqi Charu Chanana cərəyan edən olaylarla bağlı bildirib ki, ABŞ-Çin görüşmələri haqqında yaxşı bir xəbər olmaması və Qəzza xəbərləri ilə bağlı daha çox geopolitik narahatlıq olduğu təqdirdə belə ABŞ dolları zəifləsə də, qlobal qeyri-müəyyənliklər səbəbindən qızıla olan tələbin artacağı gözlənilir.
Aytac Şahin
Telegram kanalımız
