Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
2023-cü ilin yayında dövlət başçısı Ukraynaya elektrik avadanlıqlarının tədarükü üçün 7,6 milyon dollar ayırmışdı.
Ümumilikdə, Rusiyanın hücumundan sonra Azərbaycan Ukraynaya 33 milyon ABŞ dolları məbləğində humanitar yardım göstərib.
